“ЭМ, ЭМНЭЛГИЙН ХЭРЭГСЭЛД ИМПОРТ, ЭКСПОРТЫН МЭДҮҮЛЭГ ОЛГОХ ЖУРАМ”-ын төсөлд санал авч байна.

 

Эм, эмнэлгийн хэрэгслийн хяналт зохицуулалтын

 газрын даргын 2024 оны … сарын … -ны өдрийн 

   ..... дугаар тушаалын 1 дүгээр хавсралт

 

ЭМ, ЭМНЭЛГИЙН ХЭРЭГСЭЛД ИМПОРТ, ЭКСПОРТЫН

МЭДҮҮЛЭГ ОЛГОХ ЖУРАМ

 

НЭГ. НИЙТЛЭГ ҮНДЭСЛЭЛ

 

1.1.Эм, эмнэлгийн хэрэгслийн импорт, экспортын мэдүүлэг (цаашид “мэдүүлэг” гэх) олгох асуудлыг Эм, эмнэлгийн хэрэгслийн тухай хууль, Эрүүл мэндийн тухай хууль, Дархлаажуулалтын тухай хууль болон бусад хууль тогтоомж, эрх зүйн баримт бичгийн хүрээнд зохицуулахад энэхүү журмыг мөрдлөг болгоно.

1.2.Мансууруулах болон сэтгэцэд нөлөөт эм, түүний угтвар бодис, эрүүл мэндийн нэмэлт бүтээгдэхүүн болон ариутгал халдваргүйтгэлийн бодисын импорт, экспортын асуудал энэ журмаар зохицуулагдахгүй.

1.3. Улсын хилээр төрийн хяналтын дор нэвтрүүлэх барааны жагсаалтад орсон эмчилгээ, урьдчилан сэргийлэх зориулалттай эд эрхтэн, донорын цус, бичил биетний өсгөвөрт импорт, экспортын мэдүүлэг олгоход Засгийн газрын 2002 оны 219-р тогтоолоор батлагдсан ‘’Улсын хилээр төрийн хяналтын дор нэвтрүүлэх бараанд экспорт, импортын мэдүүлэг олгох журам’’ болон холбогдох бусад хууль, журмыг, Хандив тусламжийн бараанд  импорт, экспортын мэдүүлэг олгоход Эм, эмнэлгийн хэрэгслийн тухай хуулийн 46 дугаар зүйл болон энэхүү журмыг тус тус мөрдөнө.

1.4. Эмийн асуудал эрхэлсэн төрийн захиргааны байгууллага нь импортлосон болон экспортлосон эм, эмнэлгийн хэрэгслийн цахим мэдээний (Licemed) нэгдсэн сантай байна. 

1.5. Импорт, экспортын мэдүүлэг хүсэгч нь Эрүүл мэндийн тухай хуулийн 19 дүгээр зүйлийн 19.3.2, 19.3.3, 19.3.6, Эм, эмнэлгийн хэрэгслийн тухай хуулийн 6 дугаар зүйлийн 6.1-д заасан тусгай зөвшөөрөлтэй байна.

1.6. Импорт экспортын мэдүүлэг хүсэгч нь тухайн жилд авсан импорт экспортын мэдүүлгийн дагуу импортлосон болон экспортлосон эм, эмнэлгийн хэрэгслийн тайланг дараа оны 01 дүгээр сарын 15-ны өдрийн дотор цахим хэлбэрээр “Эм, эмнэлгийн хэрэгслийн  хяналт зохицуулалтын газар”-т ирүүлсэн байна. Заасан хугацаанд ирүүлээгүй тохиолдолд тухайн байгууллагад албан шаардлага хүргүүлэх, импорт, экспортын мэдүүлэг олгох ажлыг түр хугацаагаар зогсоох хүртэл арга хэмжээ авна. 

1.7. Өргөдөлд дурьдсан мэдээлэл болон бүрдүүлэн ирүүлсэн материалын үнэн зөв, бодит байдлыг өргөдөл гаргагч хариуцна. 

ХОЁР. ИМПОРТ, ЭКСПОРТЫН МЭДҮҮЛЭГ ОЛГОХ ЗОХИЦУУЛАЛТ

2.1.  Эм, эмнэлгийн хэрэгслийн хяналт зохицуулалтын газар нь Эм, эмнэлгийн хэрэгслийн тухай хуулийн 44 дүгээр зүйлийн 44.1, 45 дугаар зүйлийн 45.1-т заасан бүтээгдэхүүнийг импортлох, экспортлох бүрт импорт, экспортын мэдүүлэг олгоно.

2.2. Импорт, экспортын мэдүүлэг хүсэгч нь өргөдөл гаргахын өмнө Эм, эмнэлгийн хэрэгслийн хяналт, зохицуулалтын газраас эмийн бүртгэл, мэдээллийн цахим (Licemed) санд нэвтрэх кодыг авна. 

2.3. Гамшгийн болон онцгой байдлын нөхцөл үүссэн үед эмийн бүртгэлд бүртгэгдээгүй эм болон яаралтай тусламжийн эм, эмнэлгийн хэрэгслийг импортлох шаардлага гарсан тохиолдолд Эм, эмнэлгийн хэрэгслийн тухай хуулийн  44 дүгээр зүйлийн 44.7 дахь заалтыг үндэслэн импортын мэдүүлэг олгоно.

2.4. Гадаадын улс орны Засгийн газар, төрийн ба төрийн бус байгууллага, иргэн, аж ахуйн нэгж, олон улсын байгууллага болон хандив тусламжаар ирж буй эм, эмнэлгийн хэрэгсэл нь Эм, эмнэлгийн хэрэгслийн тухай хуулийн 46 дугаар зүйлд заасан шаардлагыг хангасан байна.

2.5. Гадаадын эмч, эмнэлгийн мэргэжилтэн Монгол Улсад богино хугацаагаар үзлэг, оношлогоо хийхдээ ашиглах эм, эмнэлгийн хэрэгслийг хилээр нэвтрүүлэх тохиолдолд гадаадын харьяат эмнэлгийн мэргэжилтэн эмчлэх үйл ажиллагаа эрхлэх зөвшөөрөлтэй үед хилээр нэвтрүүлэх эм, эмнэлгийн хэрэгсэлд энэхүү журмын дагуу тавигдах шаардлагаар импорт экспортын мэдүүлэг олгоно.

 

ГУРАВ. ИМПОРТ, ЭКСПОРТЫН МЭДҮҮЛЭГ ХҮССЭН ӨРГӨДӨЛ ГАРГАХ

3.1 Импорт, экспортын мэдүүлэг хүсэх нийтлэг шаардлага, бичиг баримтын бүрдэл:

3.1.1 Импортлох эм, эмийн үйлчлэгч бодис, өндөр, дунд эрсдэлтэй эмнэлгийн тоног төхөөрөмж, эмнэлгийн хэрэглэгдхүүн, лабораторийн оношилгооны хэрэгсэл нь Монгол улсын бүртгэлд бүртгэгдсэн эсвэл жагсаалтад орсон байна.

3.1.2. Импорт экспортын мэдүүлэгээр авах барааны мэдээллийг эмийн бүртгэл мэдээллийн нэгдсэн сан болох www.licemed.mohs.mn-д, холбогдох баримт бичгийн бүрдлийг төрийн цахим үйлчилгээний нэгдсэн портал e-bizness.mn-д тус тус цахим хэлбэрээр оруулна.

3.1.3  Импорт экспортын мэдүүлэг хүсэхэд бүрдүүлэх бичиг баримтын бүрдэл:

3.1.3.1. Импорт экспортын мэдүүлэг хүсэгч нь өргөдөл, баталгааны хуудсаас гадна Эм, эмнэлгийн хэрэгслийн тухай хуулийн 44 дүгээр зүйлийн 44.4-т заасан дараах баримт бичгийг бүрдүүлэн цахимаар Эм, эмнэлгийн хэрэгслийн хяналт зохицуулалтын газарт ирүүлнэ.

- Өргөдөл /албан бичгээр/. Тухайн импортлох бүтээгдэхүүний нэр төрөл, тун хэмжээ, савлалт, үйлдвэрлэгчийн нэр, тоо хэмжээ, хилийн боомт, бүрдүүлэн ирүүлсэн бичиг баримтын үнэн зөвийг хариуцах талаар албан бичигт тодорхой тусгасан байна.

- Тусгай зөвшөөрлийн гэрчилгээ /лайсмедэд бүртгэлтэй байна/

- Бүртгэлийн, эсвэл жагсаалтын дугаар /лайсмедэд гаргасан өргөдөл дээр бичсэн байна/

- Үйлдвэрлэгчийн зохистой дадлын стандартын гэрчилгээ /зөвхөн тухайн барааны үйлдвэрлэгчийн GMP, ISO, шаардлагатай тохиолдолд тухайн барааны EC сертификат байна/

- Үйлдвэрлэгчийн тухайн цувралын шинжилгээний дүн /баталгаажсан байна/

-  Худалдааны гэрээ. /Импортлогч нь гадаад улсын эмийн үйлдвэрлэгчтэй эсхүл түүний албан ёсны гэрээт борлуулагчтай байгуулсан гэрээтэй байна. Экспортлогч нь гадаад улсын холбогдох байгууллагатай хийсэн гэрээтэй байна./

-  Барааны нэхэмжлэх /Тухайн ачилтаар ирж буй барааны нэхэмжлэхтэй байна/

- Баталгааны хуудас /ЭЭХХЗГ-ын даргын А/194 дүгээр тушаалаар батлагдсан байгууллагын тамга, эрх бүхий албан тушаалтны гарын үсэгтэй байна/

3.1.3.2. Ханган нийлүүлэх байгууллага, үйлдвэрлэгч өөрийн импортолсон эм, эмнэлгийн хэрэгслийг үйлдвэрлэгчийн албан ёсны хүсэлтийн дагуу үйлдвэрлэгч, эсхүл өөр улс руу экспортлох бол дараах баримт бичгийг бүрдүүлэн ирүүлнэ.

-  үйлдвэрлэгч өөр рүүгээ буцаан татаж байгаа бол шалтгаан, тоо хэмжээг бичсэн албан ёсны хүсэлтийг ирүүлнэ.

-  хэрвээ өөр улсын үйлдвэрлэгч эсвэл байгууллага руу шилжүүлж байгаа бол үйлдвэрлэгчийн албан ёсны хүсэлт /шалтгаан, тоо хэмжээ, шилжүүлэх улсын нэр, байгууллагын нэрийг тодорхой тусгасан/, хүлээн авах байгууллагын зөвшөөрсөн тухай мэдэгдэл /гэрээ, албан бичиг, албан захидал/-ийг хавсарган ирүүлнэ.

 

3.2. Импорт, экспортын мэдүүлэг хүсэх тусгай шаардлага, бичиг баримтын бүрдэл

3.2.1.  Эмийн туслах бодис,  стандарт бодис импортлох бол шинжилгээний бичиг /Certificate of analysis/

3.2.2. Эм, эмийн түүхий эд, оношлуурын бүртгэлийн дээж импортлох бол Дээжийн нийт тоо хэмжээ нь Эм, эмнэлгийн хэрэгслийн хяналт зохицуулалтын газрын даргын тушаалаар батлагдсан ‘’лабораторийн шинжилгээнд дээж хүлээн авах тоо, хэмжээ’’-ний дагуу байна.

3.2.3. Оношлуур /урвалж/,  эмнэлгийн хэрэгсэл, эмнэлгийн хэрэгслийн туслах материал, протез импортлох бол Үйлдвэрлэгчийн ISO сертификат /Бүтээгдэхүүний ангилалаас хамааран зарим тохиолдолд EC сертификат нэмэлтээр өгнө/

3.3. Вакцин импортлох импорт экспортын мэдүүлэг хүссэн өргөдөл гаргахад дараах тусгайлсан шаардлага, бичиг баримтын бүрдлийг хангасан байна.

3.3.1. Товлолт вакцинаас бусад вакцин нь Монгол улсын эмийн бүртгэлд бүртгэгдсэн байна.

3.3.2. Хүсэлт гаргагч нь дараах баримт бичгийг бүрдүүлсэн байна. Үүнд:

3.3.2.1. Вакциныг импортлоход Эрүүл мэндийн яамны Нийтийн эрүүл мэндийн тусламжийн бодлого, хэрэгжилтийг зохицуулах газраас гаргасан санал,

3.3.2.2. Тухайн вакциныг экспортлогч улсын эрх бүхий байгууллагаас олгосон нэгж цувралын гэрчилгээ (LotRelease certificate)

3.3.2.3. Засгийн газрын 2002 оны 219 дүгээр тогтоол “Улсын хилээр төрийн хяналтын дор нэвтрүүлэх бараанд экспорт, импортын мэдүүлэг олгох  заавар”-ын нэгдүгээр хавсралтад заасны дагуу барааг экспортлох, импортлох мэдүүлэг хүссэн өргөдлийг мэдүүлэг хүсэгч нь “MNS 5022:2001” стандартын “Е” маягтаар гаргана.

ДӨРӨВ. ИМПОРТ ЭКСПОРТЫН МЭДҮҮЛЭГИЙГ  ХЯНАН ШИЙДВЭРЛЭХ

1. Импорт, экспортын мэдүүлэгийг өргөдөл болон бичиг баримтыг хүлээн авснаас хойш ажлын 5 өдрийн дотор хянан шийдвэрлэнэ.
2. Улсын хилээр төрийн хяналтын дор нэвтрүүлэх бараанд олгох мэдүүлэгийг өргөдөл болон баримт бичгийг хүлээн авснаас хойш ажлын 5-21 өдрийн дотор хянан шийдвэрлэнэ.
3. Импорт, экспортын мэдүүлэгийг  Эм, эмнэлгийн хэрэгслийн хяналт, зохицуулалтын газрын Лиценз, зөвшөөрлийн зохицуулалтын газрын ахлах мэргэжилтэн хянаж, газрын дарга тоон гарын үсгээр баталгаажуулна.
4. Импорт, экспортын мэдүүлэгийг журмын хоёрдугаар болон гуравдугаар хавсралтаар баталсан маягтаар олгоно. Хуудас бүрийг дугаарлана. Үүнд:

1. Хуудасны баруун доод буланд “Эм, эмнэлгийн хэрэгслийн импортын мэдүүлэг”,
2. Хуудасны баруун доод буланд “Эм, эмнэлгийн хэрэгслийн экспортын мэдүүлэг”,
3. 3.1.3.2-т заасан импорт, экспортын мэдүүлэгийг журмын дөрөвдүгээр хавсралтаар баталсан маягтаар олгоно.
4. Засгийн газрын 2002 оны 219 тогтоолын дагуу олгосон мэдүүлэгийн баруун доод буланд “Төрийн хяналтын дор улсын хилээр нэвтрүүлэх  барааны лиценз” гэж бичнэ.

1. Мэдүүлэгийн дугаарыг доорхи дарааллаар бичнэ.

4.5.1. 001/он/дугаар;  - Эм, эмийн түүхий эд, эмийн туслах бодис, эмийн эмийн түүхий эдийн дээж, өнчин эм, стандарт бодис

4.5.2. 002/он/дугаар; - Өндөр, дунд эрсдэлтэй лабораторийн оношилгооны хэрэгсэл, оношлуурын бүртгэлийн дээж

4.5.3. 003/он/дугаар; - Өндөр, дунд эрсдэлтэй эмнэлгийн хэрэглэгдэхүүн,

4.5.4. 004/он/дугаар; - Гадаадын төсөл, хөтөлбөр, хүмүүнлэгийн болон буцалтгүй тусламжийн хүрээнд нийлүүлж буй эм, эмнэлгийн хэрэгсэл, урвалж оношлуур

4.5.6 005/он/дугаар; - Өндөр, дунд эрсдэлтэй эмнэлгийн тоног төхөөрөмж

4.6. Улсын хилээр төрийн хяналтын дор нэвтрүүлэх бараанд олгох экспорт, импортын мэдүүлэгийг “Улсын хилээр төрийн хяналтын дор нэвтрүүлэх бараанд экспорт, импортын мэдүүлэг олгох  журам”-ын 2 дугаар хавсралтад заасан “MNS 5022:2001” “D” маягтаар олгоно.

4.7. Импорт, экспортын мэдүүлэгийн хүчинтэй хугацаа 3 сар, улсын хилээр төрийн хяналтын дор нэвтрүүлэх бараанд олгох экспорт, импортын мэдүүлэгийн хүчинтэй хугацаа 6 сар байна.

4.8. Импорт экспортын мэдүүлэг олгогч шаардлагатай бол өргөдөл гаргагчийн баримт бичгийг холбогдох байгууллагаар шалгуулах, магадлах, дүгнэлт гаргуулах эрхтэй. Энэ тохиолдолд холбогдох байгууллагын дүгнэлт гарах хүртэл хугацааг сунгах бөгөөд үүнтэй холбогдуулан гарсан зардлыг өргөдөл гаргагч хариуцна.

ТАВ. ИМПОРТ ЭКСПОРТЫН МЭДҮҮЛЭГ ЗАСВАРЛАХ

5.1. Импорт, экспортын мэдүүлэгийн хүчинтэй хугацаатай холбоотой нэмэлт өөрчлөлт оруулах бол шалтгааныг тодорхой заасан албан хүсэлт, холбогдох баримт бичгийг үндэслэн шинээр олгоно.

5.2.  Импорт, экспортын мэдүүлэгд заасан эм, эмнэлгийн хэрэгслийн нэр, төрөл, боомт, тоо хэмжээг өөрчлөх шаардлагатай бол албан бичиг, нотлох баримт бичгийг үндэслэн засварлаж дахин олгоно.

5.3. Дээрхи өөрчлөлтийг хийсэн мэдүүлэгийг ажлын 3 хоногийн дотор хянан шийдвэрлэнэ.

ЗУРГАА. МЭДҮҮЛЭГИЙГ ХҮЧИНГҮЙ БОЛГОХ  

6.1  Хүчинтэй хугацаа бүхий импорт, экспортын мэдүүлэгийг Эм, эмнэлгийн хэрэгслийн тухай хуулийн 44 дүгээр зүйлийн 44.6, 45 дугаар зүйлийн 45.5-д зааснаас гадна дараах нөхцлөөр хүчингүй болгоно.

6.1.1 Импорт, экспортын мэдүүлэг эзэмшигч хүсэлт гаргасан;

6.1.2 Импорт, экспортын мэдүүлэгийг засварласан, хуурамч бичиг баримт бүрдүүлсэн нь холбогдох хууль хяналтын байгууллагаар нотлогдсон бол;

6.1.3 Гаалийн бүрдүүлэлт хийхдээ хуурамч мэдээлэл өгсөн холбогдох хууль хяналтын байгууллагаар нотлогдсон бол  

6.2 Энэхүү журмын 6.1, 7.1 дэх хэсэгт заасныг зөрчсөн үйлдлийг 2-оос дээш удаа гаргасан бол импорт, экспортын мэдүүлэгийг хүчингүй болгож тусгай зөвшөөрлийг цуцлах эсэх асуудлыг  Эмийн асуудал эрхэлсэн төрийн захиргааны байгууллага шийдвэрлэнэ. 

6.3 Импорт, экспортын мэдүүлэгийг хүчингүй болгосон шийдвэрийг ажлын 3 хоногийн дотор мэдүүлэг эзэмшигч болон Гаалийн ерөнхий газарт мэдэгдэнэ.

ДОЛОО. ИМПОРТ ЭКСПОРТЫН МЭДҮҮЛЭГ  ХҮСЭГЧИЙН ҮҮРЭГ, ХАРИЦЛАГА

7.1. Импорт, экспортын мэдүүлэгийг бусдад шилжүүлэх, худалдах, бэлэглэх, барьцаалах, гараар засварлахыг хориглоно.

7.2. Нэг албан хүсэлтээр хоёр болон түүнээс олон импорт, экспортын мэдүүлэг хүсэхийг хориглоно.

7.3. Импорт экспортын мэдүүлэгийг өргөдөлд заагдсан эм, эмнэлгийн хэрэгсэлд олгох ба улсын хилээр нэвтрүүлэхэд нэг удаа, заагдсан тоо хэмжээгээр нь ашиглана.

   7.4. Импорт экспортын мэдүүлэг хүссэн өргөдлийн боловсруулалт, шийдвэрлэлтийн явцын талаарх мэдээллийг өргөдөл мэдүүлэгч цахим хэлбэрээр хүлээн авна.

 

 

 

 

Эм, эмнэлгийн хэрэгслийн хяналт зохицуулалтын

                                                                                                                                                                                                                                                                                                                            газрын даргын 2024 оны … сарын  …-ны өдрийн

 .....  дугаар тушаалын 2 дугаар хавсралт

 

МОНГОЛ УЛС

MONGOLIA

 

ЭМ, ЭМНЭЛГИЙН ХЭРЭГСЛИЙН ХЯНАЛТ, ЗОХИЦУУЛАЛТЫН ГАЗАР

/MEDICINE AND MEDICAL DEVICE’S REGULATORY AGENCY/

 

ЭМ, ЭМНЭЛГИЙН ХЭРЭГСЛИЙН ИМПОРТЫН МЭДҮҮЛЭГ

IMPORT /EXPORT/ REGISTRATION OF MEDICINE AND MEDICAL DEVICES

Олгосон:        он         сар           өдөр /issued/         /year/      /month/        /day/						Дугаар   /number/
		Импортлогчийн нэр:     /Name of importer/
		Импортлогчийн хаяг :   /Address of importer/
		Хилийн боомтын нэр:              / Name of Port of entry/
		Улсын хилээр нэвтрүүлэх хугацаа: он    сар       өдөр                          /year/           /month/        /day/
		Хадгалах, тээвэрлэх нөхцөл: Ердийн: Тусгай нөхцөл:
		Мэдүүлгийн хүчинтэй хугацаа:              он   сар       өдөр /Valid until/                                  /                                         year/     /month/        /day/
№	Эм, эмнэлгийн хэрэгслийн нэр, хэлбэр, загвар, тун, тоо хэмжээ /Name of medicine and medical device, dose and mark/		Эм, эмнэлгийн хэрэгслийн улсын  бүртгэл, жагсаалтын дугаар /registration number of medicine/	Эм, эмнэлгийн хэрэгслийн цувралын дугаар	Үйлдвэрлэгчийн нэр /Name of manufacturer/		Тоо хэмжээ /quantity/
1
2
3
		Худалдагчийн нэр:                                                               Гэрээний дугаар: /Seller’s name/                                                                         /Contract number/ Inv:
		Олгосон байгууллага: Эм, эмнэлгийн хэрэгслийн хяналт, зохицуулалтын газар /Issued by/                            /Medicine and Medical Device’s Regulatory Agency/      Тэмдэг   /Stamp/             Гарын үсэг. . . . . . . . . . . . . . . . . . . . . . . . .  /Signature/

 

 

 

Эм, эмнэлгийн хэрэгслийн хяналт зохицуулалтын

                                                                                                                            газрын даргын 2024 оны … сарын  …-ны өдрийн

 .....  дугаар тушаалын 3 дугаар хавсралт

 

МОНГОЛ УЛС

MONGOLIA

 

ЭМ, ЭМНЭЛГИЙН ХЭРЭГСЛИЙН ХЯНАЛТ, ЗОХИЦУУЛАЛТЫН ГАЗАР

/MEDICINE AND MEDICAL DEVICE’S REGULATORY AGENCY/

 

ЭМ, ЭМНЭЛГИЙН ХЭРЭГСЛИЙН ЭКСПОРТЫН  МЭДҮҮЛЭГ

IMPORT /EXPORT/ REGISTRATION OF MEDICINE AND MEDICAL DEVICES

Олгосон:        он         сар           өдөр /issued/         /year/      /month/        /day/						Дугаар   /number/
		Импортлогчийн нэр:     /Name of importer/
		Импортлогчийн хаяг :   /Address of importer/
		Хилийн боомтын нэр:              / Name of Port of entry/
		Улсын хилээр нэвтрүүлэх хугацаа: он    сар       өдөр                          /year/           /month/        /day/
		Хадгалах, тээвэрлэх нөхцөл: Ердийн: Тусгай нөхцөл:
		Мэдүүлгийн хүчинтэй хугацаа:              он   сар       өдөр /Valid until/                                  /                                         year/     /month/        /day/
№	Эм, эмнэлгийн хэрэгслийн нэр, хэлбэр, загвар, тун, тоо хэмжээ /Name of medicine and medical device, dose and mark/		Эм, эмнэлгийн хэрэгслийн улсын  бүртгэл, жагсаалтын дугаар /registration number of medicine/	Эм, эмнэлгийн хэрэгслийн цувралын дугаар	Үйлдвэрлэгчийн нэр /Name of manufacturer/		Тоо хэмжээ /quantity/
1
2
3
		Худалдагчийн нэр:                                                               Гэрээний дугаар: /Seller’s name/                                                                         /Contract number/ Inv:
		Олгосон байгууллага: Эм, эмнэлгийн хэрэгслийн хяналт, зохицуулалтын газар /Issued by/                            /Medicine and Medical Device’s Regulatory Agency/      Тэмдэг   /Stamp/             Гарын үсэг. . . . . . . . . . . . . . . . . . . . . . . . .  /Signature/

 

 

 

 

Эм, эмнэлгийн хэрэгслийн хяналт зохицуулалтын

                                                                                                                            газрын даргын 2024 оны … сарын  …-ны өдрийн

 .....  дугаар тушаалын 4 дүгээр хавсралт

 

МОНГОЛ УЛС

MONGOLIA

 

ЭМ, ЭМНЭЛГИЙН ХЭРЭГСЛИЙН ХЯНАЛТ, ЗОХИЦУУЛАЛТЫН ГАЗАР

/MEDICINE AND MEDICAL DEVICE’S REGULATORY AGENCY/

 

ЭМ, ЭМНЭЛГИЙН ХЭРЭГСЛИЙН РЕЭКСПОРТЫН МЭДҮҮЛЭГ

IMPORT /EXPORT/ REGISTRATION OF MEDICINE AND MEDICAL DEVICES

Олгосон:        он         сар           өдөр /issued/         /year/      /month/        /day/							Дугаар   /number/
		Импортлогчийн нэр:     /Name of importer/			Хүлээн авагчийн нэр:
		Импортлогчийн хаяг :   /Address of importer/			Хүлээн авагчийн хаяг:
		Хилийн боомтын нэр:              / Name of Port of entry/
		Улсын хилээр нэвтрүүлэх хугацаа: он    сар       өдөр                          /year/           /month/        /day/
		Хадгалах, тээвэрлэх нөхцөл: Ердийн: Тусгай нөхцөл:
		Мэдүүлгийн хүчинтэй хугацаа:              он   сар       өдөр /Valid until/                                  /                                         year/     /month/        /day/
№	Эм, эмнэлгийн хэрэгслийн нэр, хэлбэр, загвар, тун, тоо хэмжээ /Name of medicine and medical device, dose and mark/		Эм, эмнэлгийн хэрэгслийн улсын  бүртгэл, жагсаалтын дугаар /registration number of medicine/	Эм, эмнэлгийн хэрэгслийн цувралын дугаар		Үйлдвэрлэгчийн нэр /Name of manufacturer/		Тоо хэмжээ /quantity/
1
2
3
		Худалдагчийн нэр:                                                               Гэрээний дугаар: /Seller’s name/                                                                         /Contract number/ Inv:
		Олгосон байгууллага: Эм, эмнэлгийн хэрэгслийн хяналт, зохицуулалтын газар /Issued by/                            /Medicine and Medical Device’s Regulatory Agency/      Тэмдэг   /Stamp/             Гарын үсэг. . . . . . . . . . . . . . . . . . . . . . . . .  /Signature/