Байгууллагын хөгжлийн төлөвлөгөөний хэрэгжилтийг хэлэлцлээ

ДЭМБ эмийн зохицуулалтын 9 чиг үүргийг тогтоосон бөгөөд улс орнуудын эмийн зохицуулалтын чадавх, тогтвортой байдал, төлөвшлийг “Олон улсын жишиг тогтоох үнэлгээ”-ний дагуу 1-4 хүртэлх түвшинд үнэлдэг.

           Бид Монгол Улсын эмийн зохицуулалтын өөрийн үнэлгээг 2022 онд ДЭМБ-тай хамтран хийж нэгдүгээр түвшинд үнэлэгдэн, “Байгууллагын хөгжлийн төлөвлөгөө 2023-2026”-г боловсруулсан ба 2025.12.03-нд төлөвлөгөөний хэрэгжилтийг хэлэлцлээ.

Уулзалтад орон нутгийн байцаагч нар болон албан хаагчид оролцон, дараах асуудлууд дээр санал солилцон цаашид хэрэгжүүлж, сайжруулах шаардлагатай эмийн зохицуулалтын үйл ажиллагаануудыг тодорхойлж, олон улсад стандартыг хэрэгжүүлэх гарцын талаар хэлэлцлээ.

Ингэснээр эмийн зохицуулалтын тогтвортой тогтолцоо бүрдэн ард иргэдийг эмчилгээний өндөр идэвхтэй, чанартай эм, эмнэлгийн хэрэгслээр хангахад нэг алхам урагшлах юм.

Эм, эмнэлгийн хэрэгслийн тухай хуулийн шинэчилсэн найруулга нь 2024 оны 06 дугаар сарын 05-ны өдөр батлагдан, 2024 оны 10 дугаар сарын 01-ний өдрөөс орон даяар мөрдөгдөж эхэлсэн бөгөөд тэрхүү шинэчилсэн найруулгын дагуу эрх зүйн баримт бичгүүдийг шинээр болон шинэчлэн боловсруулсан билээ. Тус өдөр эдгээр шинэ баримт бичгүүдтэй танилцан, хэрэгжүүлэлт дээр санал солилцлоо.

Эмийн аюулгүй байдлын тандалт судалгааны газар

Мэргэжилтэн  Г.Нарангэрэл

Утас: 51-260182