ЭМ ҮЙЛДВЭРЛЭЛИЙН ЗОХИСТОЙ ДАДАЛ (GMP)-ЫН ШИНЖЭЭЧ СОНГОН ШАЛГАРУУЛАХ ЗАР

Сонгон шалгаруулалтын нэр: Эм үйлдвэрлэлийн зохистой дадал (GMP)-ын шинжээч сонгон шалгаруулах тухай.

Сонгон шалгаруулалтын материал хүлээн авах эцсийн хугацаа: GMP-ын шинжээчээр ажиллахыг хүссэн иргэдийн материалыг 2022 оны 05 дугаар сарын 13-ны өдрийн 10.00 цаг хүртэл ажлын албанд цаасаар болон b.khishigjargal@mmra.gov.mn цахим хаягаар ирүүлнэ.

Материал хүлээн авах хаяг: Эм, эмнэлгийн хэрэгслийн хяналт, зохицуулалтын газар. Сүхбаатар дүүрэг 1-р хороо, Энхтайваны өргөн чөлөө 14210. UBH төв 8-р давхар.

Сонгон шалгаруулалттай холбоотой тодруулгыг 51-260185 дугаарын утсаар холбогдож авна уу.

Шинжээчийн үндсэн чиг үүрэг.

1. GMP-ын шинжээч эм, биологийн идэвхт бүтээгдэхүүн, биобэлдмэл, уламжлалт эмийн үйлдвэрт Эм үйлдвэрлэлийн зохистой дадал (GMP)-ын хэрэгжилтэд хөндлөнгийн үнэлгээ хийж, дүгнэлт гаргана.

2. Эрүүл мэндийн тухай хууль, Эм, эмнэлгийн хэрэгслийн тухай хууль, Эм, биологийн идэвхт бүтээгдэхүүн, биобэлдмэл, уламжлалт эмийн үйлдвэрлэлд тавих ерөнхий шаардлага, Эм үйлдвэрлэлийн зохистой дадал (GMP)-ын батламж олгох журам болон бусад холбогдох хууль, эрхийн актын хүрээнд шинжлэх ухааны үндэслэлтэй, ашиг сонирхлын зөрчлөөс ангид, хараат бусаар үнэлгээ хийж, дүгнэлт гаргана.

Шинжээчид тавих шаардлага.

1. Эм үйлдвэрлэлийн чиглэлээр мэргэшсэн, эм зүй, анагаахын микробиологич, эрүүл ахуй, уламжлалт анагаах ухааны их эмч, инженер мэргэжлийн чиглэлээр их сургууль төгссөн, мэргэжлийн болон эрдмийн зэрэгтэй байх;

2. Эрүүл мэндийн болон эм үйлдвэрлэлийн салбарт мэргэжлээрээ 10-аас доошгүй жил ажилласан.

3. Эм, биологийн идэвхт бүтээгдэхүүн, биобэлдмэл, уламжлалт эмийн үйлдвэрлэлийн ажлын байр, баримт бичигт тавигдах шаардлага, шалгуур, тэдгээрийг үнэлэх, дүгнэлт гаргах, мэргэжил арга зүйн зөвлөгөө өгөх чадвартай, дадлага туршлагатай, мэргэшсэн байх;

4. Хууль, эрх зүйн мэдлэгтэй, бичиг баримт боловсруулах, хариуцлага хүлээх, багаар ажиллах чадвартай байх;

5. Эм үйлдвэрлэлийн зохистой дадал (GMP)-ын дотоодын болон олон улсын сургалтад хамрагдсан байх;

6. Эм, биологийн идэвхт бүтээгдэхүүн, эмнэлгийн хэрэгсэл үйлдвэрлэгч аж ахуй нэгж, байгууллагад хамааралгүй, сүүлийн 2 жилийн хугацаанд эм үйлдвэрлэлийн байгууллагад ажиллаагүй байх;

7. Ажиллаж буй байгууллагын үйл ажиллагаа нь аль нэг хувийн хэвшлийн эм, биологийн идэвхт бүтээгдэхүүний үйлдвэрээс хараат бус байх;

8. Ашиг сонирхол, ёс зүйн зөрчилгүй, гэмт хэрэгт холбогдоогүй Монгол Улсын иргэн байх.

Бүрдүүлэх материал.

1. GMP-ын шинжээчээр ажиллахыг хүссэн өргөдөл;

2. Төрийн албан хаагчийн анкет (1-р маягтаар);

3. Иргэний үнэмлэхний хуулбар эсхүл иргэний лавлагаа;

4. Боловсролын диплом, мэргэжлийн болон эрдмийн зэргийн үнэмлэхийн хуулбар;

5. Цээж зураг 2%;

6. Иргэний эрүүгийн хариуцлага хүлээж байсан эсэх тухай тодорхойлолт (E-Mongolia цахим сангаас авсан байх);

7. Дотоодын болон олон улсын Эм үйлдвэрлэлийн зохистой дадал (GMP)-ын сургалтад хамрагдсан гэрчилгээ;

8. Нийгмийн даатгалын шимтгэл төлөлтийн талаарх тодорхойлолт (E-Mongolia цахим сангаас авсан байх);